يَا شَهِيد ..الشاعر أحمد شاهين

يَا شَهِيد
ــــــــــــــــــــــــــــــــــ
يَا اللي رُوحْت لِلشَّهَادَه
اِنْتَ عَايِش لِسَّه حَي
اِنْتَ أغْلَى بِالشَّهَادَه
اِنْتَ أغْلَى مِن اي حَي
اِنْتَ اللي عَلِّيت فِيهَا رَاسْنَا
اِنْتَ اللي ضَحِّيت بِالحَيَاه
اِنْتَ اللي حَقَّك عَلَى رَاسْنَا
وِلَو تِمُوت فِينَا الحَيَاه
مَهْمَا رُوحْنَا وَلاَّ جِينَا
لِسَّه عِطْرَك فِي المَكَان
لِسَّه صُورْتَك فِي عِنِينَا
يَا اللي ذِكْرَك لِلزَّمَان
مَهْمَا قُولْنَا وعِدْنَا عَنَّك
عُمْر مَا نوَفِّي جَمِيلَك
يَا اللي الشَّهَامَه طَبْع مِنَّك
فِي نِن العِين وَالله نِشِيلَك
دَه انْتَ رُوحْنَا ونُور عِنِينَا
يَا اللي ضَحِّيت لاَجْل مِنَّا
يَا شَهِيد حَقَّك عَلِينَا
وِعَ الفُرَاق الله يِعِيْنَّا
يَا اللي رُوحْت لِلشَّهَادَه
اِنْتَ عَايِش لِسَّه حَي
اِنْتَ أغْلَى بِالشَّهَادَه
اِنْتَ أغْلَى مِن اي حَي
ــــــــــــــــــــــــــــــــــــــــــ
إهداء إلى :-
شهداء العملية العسكرية الشاملة سيناء 2018 م
من جنــود وضبـاط القــوات المسلحة المصرية.
ــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----