هناك بقلمي \ مجدي احمد محمد

هناك
تحت الشجره اللي هناك
عند الورد اللي بيرقص ده
انا كنت بنستناك
بدا الطريق وياك 
من هناك

فاكر والا ناسي
لأ دا انت باين ناسي
طب يالا افكرك

يوم مارسمنا القلب هناك
وكتبنا الأسامي
ورسمت انت السهم الأول
ورسمت انا التاني
يومها همست وقلت ف ودني
أه ياحبيبي الشوق غلبني
بشتاقلك وانت بعيد عني
وبدوب لما بكون وياك
عند الورد اللي بيرقص ده
تحت الشجره اللي هناك

وليلتها القمر كان صاحي
وفردت جناحك وجناحي
وقعدنا نحلم بالجنه
والعش اللي ح يجمع ببنا
وبأحلامنا طيرنا
وماحدش حصلنا
ولحد اما وصلنا

وشويه المطر قام اييييييه؟
وشويه المطر قام نازل
والناس قاعدين في المنازل
و مافيش اي حد طالع
وما فيش اي حد نازل
والمطره نازله بتقسم
بتقسيم و احنا بنتبسم
نتبسم مش فاضل غير
نرقص ياحبيبي ونتحزم
عند الورد اللي بيرقص ده
تحت الشجره اللي هناك

بقلمي \ مجدي احمد محمد