بعنوان جرس انذار بقلمى يوسف ونيس مجلع – ايطاليا بريشيا

اصحى يا اسلام اصحى يامينا ------------------ اتسرقنا واتسرق الحلواللى فينا
الامانى والاحلام من اغانينا ----------------- والشخصيه والهويه وكل مايعنينا
والاسامى مفضلش غيراسلام ومينا --------- و نسينا ان شفيعناعملنا مش اسامينا
اصحى يامينا
لاتقول كنايسكم ولا اقول جوامعنا -------------- تعالى نشوف الود اللى بيجمعنا
فى كل اللى حولينا الف دليل ومعنى -------------- تعالى نعدل القيم فى اوضعنا
ليه كلمه بتسخن الجاهل بقت تولعنا ------------- لا نارها بتشبع مننا ولا بتشبعنا
وغمة حوالينا فينا فرحانين --------------------------- بهمه يطفو نارنا بالبنزين
وهما شمتانين واحنا موجعين ----------------- بالزمة معقولة نكون مش فاهمين
اصحى يا اسلام
اصحى يا اسلام بلاش النوم الكابس - بيراهنوعلى رغيفنا واللى فاضل من ملابس
وسموم الافكارسجان لفكرنا حابس --- وبركان الفتنة لو ثارمش هنلاقي له محابس
ليه انا مش شايف وانت مش حاسس ---- اصحى قبل ما ياكل الاخضر مع اليابس
اصحى يامينا
ليه نسينا العلم والتخطيط فى مشاريعنا ----- والدين بداية ونهاية فى كل موضيعنا
ليه الحب والسلام هجرو شوارعنا ------ وناب الجهل متربص كل همه يضيعنا
الامم فى سباق التقدم على مسامعنا ---- واحنا بالدين مخدرين نايمين فى صوامعنا
اصحى يا اسلام
الاعلام مرئى و مسموع و مكتوب --------- يااصفر يا اسود من قرن الخروب
وفضائيات بجهلنا تعمر الجيوب ---------- واحنا همنا نشوف فى بعض العيوب
خلونا نمشى ونشوف بالمقلوب ----------------- و احنا نسينا ان ربنا رب قلوب
العدوعارف النتيجة وكله محسوب -------- صراعنا انت الخسران وانا المغلوب
اصحى يامينا
الفراشات بتموت ضلمه وبرد وقله ازهار ------ مش شدة نور و دفى و ازدهار
عدونا وخدها جد مش هزار ----------------- اصحى جايزده يكون لنا اخرانذار
اصحى يا اسلام
النصوص واضحه فى كل دين ------------------- و احنا عارفين ومش فاهمين
هنا محبة وهنا رحمى للعالمين --------------------- واحنا لا رحمى ولا محبين
اصحى يامينا
كل اللى فشل يكون بين المميزين ----------- باع كل غالى واشتراله ستارة دين
تجارة رابحة احترام قبل الملاين -------- بضمان الفقراء والاغنياء والمتوسطين
ومهما قال من عجب يتقال له امين ----------- اصل محدش يقول لا لبياع الدين
اصحى يا اسلام
خليك سلام من اللى عليه السلام --------------- وانا اكون حب من الحب فادينا
نبقى اعظم اغنية حب وسلام ----------------------- العالم كله يحفظنا ويغنينا
اصحى يا اسلام اصحى يا مينا
اصحو قبل ماتفقدو الاحساس ------------------ اصحو وعى يصحى كل الناس
نرفع مصر مكنها فوق الراس ------------- قبل متضيع تحت الرجلين و تنداس
اصحى يا اسلام اصحى يامينا
موسوعة الود فى حب مصر امكم ----------- هي المجد وانتم عمدان جد بتشيله
اللى قاصد يهد واحد منكم ---------------- كداب لو قال بوقف التانى على حيله
اصحى يا اسلام اصحى يا مينا
اصحو نطوى صفحه عار فى التاريخ -------- وحدتنا انتصار مهما العار طول
اسف كتير ومتزعلوش من التوبيخ -------- التاريخ مبيشطبش ويكتب من الاول
بقلمى يوسف ونيس مجلع

 

عرض مزيد من التفاعل