عايزاني اخونك… عاصم سعيد

كلامي عنك مع اني عايز اكتبه لواحده غيرك… 
كأن قلبي حالف ما يخونك… 
لو تعرفي انا قد ايه قلبي اسيرك… 
سنين هاتبكي والندم يملى عيونك.. .. 
انا مش هاخونك…..
مش لاني ماعرفش اخون….
لكن لاني عشقت روحك…
والوفا عندي قانون…..
ماعرفش ابدا اقلدك…..
طبعي مش زي طباعك….
انت حياتك في الخيانه….
وانا عمر قلبي في يوم ما باعك….
سامحيني لوقاسي معاكي….
انا عيني شايفاكي غريبه…….
ليه تضحكي علي قلب باكي….
كان امله منك حنان وطيبه….
ماتفرحيش….
اصل الخيانه مابتتنسيش….
انت اللي زيك لازم يموت…
ماانا روحي عندك ماتساويش….
لو تبكي كل يوم سنين…..
موتي بغدرك ولاترجعيش….
… ارحميني كفايه بقه….
كذبك ملى روحي شقه…..
روحي بعيد وخليكي ….
لرب الكون راح اشكيكي…
غلبت معاكي ارضيكي…
لكن انت…
عايزاني اخونك….
……………… وانا مش هاخونك…..