كـلام الـنــاس .... ليالي أحمد الأسعد

 كـلام الـنــاس

--------------

حبيبى ياللى تاعبنى

ودايما ليه مغلّبنى ؟؟

زعلت أنا من شكك

ونزلت دمعه من عينى

دا مهما باكون انا عايشه

ف ضل هواك

وطول يومى أنافاكراك

وانت هنا ، أو وانت هناك

حبيب العمر باترجاك

بلاش تسمع كلام الناس !

كلامهم ده مالوشى أساس

كلام خالى م الاحساس

أنا بهواك وباتحداك ف يوم

تثبت ان القلب شاف غيرك

عشق غيرك وباتحداك

لو هاتلاقى زيى مثيل !!

مش هاتلاقى غير تماثيل

بدون إحساس .. !

مافيش غيره فؤادى أنا

اللى شايفك فوق الناس

منحتك حبنا بإخلاص

يبقى خلاص ، سيبك من كلام الناس

دى ناس بتغيرقوى منك

كمان بتغير قوى منى

يبقى ليه بنسمعهم

وبنطيعهم ونصدق كل أقوالهم ؟؟

وحبى يضيع مابين أوهام

وأقصى كلام انا بهواك

ومش راح احب يوم غيرك

ومش راح أعيش ف غير خيرك

واحطك جوه نن العين

واقول للناس بلاش عيونكم الحاسده

أنا صامده ومش راح اسلم الرايه

ولا استسلم وطول العمر ها اتعلم

بلاش اسمع كلام الناس وانت كمان

بلاش تسمع كلام الناس .

دا مهما يقولوا دول حاقدين

ودول حاسدين

تعال نحقق الاحلام

تعال قوام وسيبك من كلام الناس

سيبك من شرور الناس .

--------------------------

ليالي أحمد الأسعد