بغير عليكي ( قصيدة بالعامية المصرية ) ..بقلمي يسري مطاوع

 أحلف بكل احساس بقلبي

إنك حياتي وانت حبي

والغيرة مني حب ليكي

حتى إنو كانت مني ذنبي

حلمت ايوة تكوني لية

متغبيش يوم عن عنية

أغلى حاجة وتبقي قربي

هوة ده حبي الأناني

اموت لو قرب حد تاني

كيف اسامح نفسي فيكي

لو تركتك والشوق ضناني

اعلن عشانك كل حربي

مش بإيدي عنك اسامح

واشوف معاكي إيد تصافح

واللا كلمة من كلام الحب

يكتبها عشانك قلب جارح

أموت عشان ألف مرة

أموت واتمنى أبقى ذكرى

دايما بقلبك تذكريني

ولو بعدنا استنى بكرة

كلام حقيقي مش بمازح

هي دي كل الحكاية

هغير عليكي للنهاية

ولو زعلتي تاني مني

أقول بيوم تعرف ضنايا

واشتكي منك لربي

..بقلمي يسري مطاوع