*** ليه الجميل ينسي
--------------------
*غاب الجميل والقلب في عِـيـده
وغابت النجمه والنبض في أيـده
من بعد ما ألفناه وعشقنا تغريده
والورد يا الله فتح علـي خـدوده
ليه الجميل ينسي و يخلف مواعيـده
* غار الربيع منها من حُسن مفاتنها
حتي القمر زارها يتملَّي من نورها
رُمـانه طـاب الله يا جمـال عنـاقيـده
يرقص ويتباهي بالحُسن علي عوده
ليه الجميل ينسي ويخلف مواعيده
*تفاحه في طعمها شهيه من ثغـرها
والورد من حُسنها خد لونه من خدها
من بعد ما اتعود القلب علي وجوده
وضبطنا ألحانا وحياتنا علي عـوده
ليه الجميل ينسي ويخلف مواعيـده
*ياروضه ومخضره قلبك بحنية
يا جميله يا سكره يا صافيه النيه
يرضيك هوان قلبي يا بدر وتسهيده
ورد وحنان حُـبه دبلان علي عـوده
ليه الجميل ينسي ويخلف مواعيده
*ياجميل في لـون النيـل قلبي بغنيلـك
في الكون ملكش بديل ولا حتي مثيلك
ياتجيني ينـا اجيلـك وحشني قنـاديـلك
حافظ علي عهودك انا قـلبي بيـدعيلك
ليه ياجميل تنسي وتخلف مواعيدك
----------[مبروك البنا]----------
0 تعليق
اتبع التعليمات لاضافة تعليق